Local home page

Ferjan Baldur siglir yfir Breiðafjörð frá Stykkishólmi til Brjánslækjar og hefur viðkomu í hinni heillandi og sögufrægu eyju, Flatey. Margir ferðalangar kjósa að taka ferjuna frá Stykkishólmi að morgni til, stoppa í Flatey, og halda svo til baka eða áfram yfir á Brjánslæk seinnipartinn. Þeir sem sigla yfir flóann með bíl geta sent hann á undansér á meðan stoppað er í Flatey, að kostnaðarlausu. Áætlun og verð má finna á vefsíðu okkar www.saeferdir.is

Bátsferð um magnað landslag Suðureyja Breiðafjarðar þar sem við skoðum meðal annars fjölbreytilegar bergmyndanir, sögulegar slóðir og sterkustu sjávarfallastrauma við Ísland. Á sumrin iðar svæðið af fuglalífi og má m.a. sjá toppskarfa, lunda, ritu, fýl, æðarkollu og ef heppnin er með okkur, konung íslenskra fugla, haförninn. Hápunktur ferðarinnar er þegar veidd eru ýmis skeldýr af botni sjávars og gestum gefst tækifæri á að smakka girnilegan hörpudisk og ígulkerjahrogn. Ferskara gerist það ekki!

Í þessari skemmtilegur ferð er siglt er um eyjarnar óteljandi á litlum 13 manna hraðbát. Skipstjórarnir okkar þekkja svæðið einstaklega vel og vita hvar best er að renna fyrir þeim gula. Njóttu frábærrar náttúru Breiðafjarðarins á nýjan og spennandi hátt!

Lengd ferðar: 2 tímar
Áætlun 2009:
15.-31. maí 11:15)
1. júní - 31. ágúst 11:15
1. - 15. sept. 11:15
Verð:
Fullorðnir: 6.600 kr.
Stöng*: 1.550 kr.
Börn 12-15 ára: 3.300 kr.
Börn 0-11 ára: Frítt

*Fjölskyldur eða ættingjar geta deilt einni stöng

Sérferðir fyrir hópa & einstaklinga

Sæferðir bjóða upp á fjölbreyttar sérferðir fyrir hópa og einstaklinga. Sem dæmi má nefna frábærar veisluferðir þar sem siglt er um eyjar Breiðafjarðar, plógur settur út og gestum gefið tækifæri á að smakka ferskan skelfisk. Þriggja rétta kvöldverður er svo framreiddur í undurfögru umhverfi. Annar möguleiki fyrir litla hópa eða einstaklinga er að sigla um fjörðinn á 13 mann hraðbát þar sem náttúran er skoðuð í nánd, komið er við í Flatey, og ef kostur gefst, endað á afskektu skeri, þar sem upp kemur á fjöru heit laug í þanginu.... einstök ferð!