Hótel Borgarnes er í 120 km. fjarlægð frá flugvellinum. Herbergin eru 75 talsins, öll búin helstu nútíma þægindum, svo sem sjónvarpi, sturtu og síma. Góður veitingasalur er innan veggja hótelsins. Góð ráðstefnu- og fundaaðstaða er á hótelinu fyrir minni og stærri hópa.

Rétt við hótelið er stór útisundlaug með heitum pottum. Einnig nokkrir merkir sögustaðir úr Egilssögu, einni þekktustu perlu miðaldabókmenntanna. Útivistar- og afþreyingarmöguleikar eru fjölbreyttir: fallegar göngu- og reiðleiðir, menningarminjar og merk söfn.

Borgarnes er fallegur bær með um 2000 íbúa. Þar er miðstöð verslunar og þjónustu í Borgarfirði. Í héraðinu eru m.a. tveir háskólar, Viðskiptaháskólinn á Bifröst og Landbúnaðarháskólinn á Hvanneyri. Ennfremur er evrópsk miðstöð rannsókna í miðaldarbókmenntum í Snorrastofu í Reykholti.
Frá Borgarnesi er stutt leið á Snæfellsnes, Deildartungu, Hraunfossa, Surtshelli og Langjökul auk þess sem bærinn er í þjóðbraut við þjóðveg númer 1 sem liggur hringinn í kringum Ísland.