In english

Hótel Vík er lítið og notalegt þriggja stjörnu hótel í Reykjavík. Á hótelinu eru stór tveggja manna herbergi (27-27 m2) sem öll eru búin kæliskáp, síma, gervihnattasjónvarpi og sturtu. 11 Studio íbúðir eru á hótelinu með eldunaraðstöðu, örbylgjuofni og fl. Unnt er að setja eitt til tvö aukarúm inn í hvert herbergi. Morgunverðarsalur er á jarðhæð, ásamt setustofu og bar.

Í næsta nágrenni við Hótel Vík er verslunarmiðstöðin Kringlan, og helsta útivistarsvæði borgarinnar, Laugardalurinn, er einnig skammt undan. Þar er íþrótta- og sýningarhöll, Laugardalslaugin, Fjölskyldugarðurinn, Grasagarður reykjavíkur og Húsdýragarðurinn.

Einnig eru í grenndinni ýmis þjónustufyrirtæki, verslanir og veitingastaðir. Strætisvagnaferð í gamla miðbæinn tekur aðeins örfáar mínútur.

Hótel Vík er kjörinn áningarstaður fyrir kaupsýslumenn og aðra þá sem eru á ferð um höfuðborgarsvæðið og kjósa sér friðsælan náttstað að hverfa til milli ferðalaga.