Hótel Geysir er ferðaþjónustumiðstöð glæsilegt heilsárshótel, staðsett við eina mestu náttúruperlu landsins, Geysi. Gisting á staðnum býður upp á möguleika til að upplifa hverasvæðið hvenær sem er dags í margvíslegri birtu og geta gefið sér tíma til að skoða alla þá fjölbreytilegu hveri, hverahrúður og litasamsetningar sem svæðið hefur upp á að bjóða. Hótel Geysir er eitt glæsilegasta hótel á íslandi.

Einnig er boðið upp á margvíslega þjónustu fyrir þá sem vilja halda fundi eða ráðstefnur í fögru umhverfi, fjarri skarkala borgarinnar.

TÍ nágrenni Geysis er margt hægt að gera. Þaðan er stutt inn á miðhálendið um Kjalveg og Gullfoss er í 10 km. fjarlægð. Haukadalurinn býður einnig upp á marga möguleika til þess að kynnast betur landinu og náttúru þess. Í Haukadalsskógi er fjöldi fallegra gönguleiða. Göngustígar eru merktir og þar má finna fóðleiksmola um trjátegundir o.fl. Á veturna er þetta frábært gönguskíðaland! Áður en gengið er inn í skóginn er skilti með upplýsingakorti um helstu leiðir.

Þann 3. júní árið 2000 var opnað stórbrotið margmiðlunarsafn við Geysi í Haukadal, Geysisstofa. Í Geysisstofu gefst einstakt tækifæri til að kynnast jarðfræði Íslands á áhugaverðan og raunverulegan hátt. Áhersla er lögð á jarðfræðisögu landsins, jökla, eldgos, jarðskjálfta og jarðhita. Geysi sjálfum eru gerð góð skil, sögu hans og háttum. Jafnframt eru kynnt önnur lítt þekkt svið náttúru landsins s.s.sérstæður gróður og hitaþolnar hveraörverur. Safnið veitir einstaka innsýn í ægikraft íslenskrar náttúru, þar sem jökulhlaup, samspil jökla og eldgosa leika stór hlutverk, enda nánast óþekkt fyrirbrigði utan Íslands.

Í Geysisstofu er einnig að finna minjasafn sem gefur góða innsýn í líf fólks fyrr á öldum, og merka sögusýningu um sögu Haukadals frá landnámi til dagsins í dag. Er sérstök áhersla lögð á Ara fróða, einn af upphafsmönnum íslenskrar sagnaritunar, heimsóknir erlendra ferðmanna að Geysi fyrr á öldum og þjóðsögur sem tengjast Haukadal.

Nánari upplýsingar má finna á vefsetri Geysis en þú getur líka prófað að senda okkur fyrirspurn um þá þjónustu sem við veitum

Þú ert ávallt velkominn að Geysi!!