Í nágrenninu er að finna helstu náttúruperlur Suðurlands; Gullfoss, Geysi, Haukadalsskóg og Brúarhlöð og ef lengra ar haldið; Þingvelli, Skálholt, Laugarvatn, Þjórsárdal o. fl. þannig að dagsferðamöguleikar eru ótalmargir allt árið um kring.

Svæðið er ekki síður fallegt á veturna og hrífast margir af Gullfossi í klakaböndum, stjörnubjörtum nóttum og norðurljósum.

Brattholt
Í Brattholti hefur verið starfrækt bændagisting um árabil og þar er lögð áhersla á góða, persónulega þjónustu. 1. júní 2000 var opnað nýtt 500 fm. sveitahótel á staðnum, þar eru 16 tveggja manna herbergi með baði ásamt 70 manna matsal.

Boðið er upp á gistingu í uppábúnum rúmum í eins og tveggja manna herbergjum ásamt morgunmat. Einnig er boðið upp á íslenskan heimilismat og kaffimeðlæti.

>> BÓKA HÉR <<

Gullfoss
Gullfoss er annálaður fyrir fegurð sína. Hann fellur í tveimur þrepum og er samtals 32m hár. Gljúfrið fyrir neðan er dýpst um 70m og fer um 3-4km langa leið inn fyrir hálendisbrúnina.

Talið er líklegt að fossinn hafi hlotið nafn sitt vegna þess að gullinn kvöldroði á jökulvatninu hafi minnt menn á gull, eða þá vegna regnbogans sem oft sést í sólskini í vatnsúðanum frá fossinum.

Flestir ferðamenn koma að Gullfossi á sumrin en að margra dómi er hann ekki síður glæsilegur í klakaböndum en í sumarskrúða.