Veghús - Góð eldunaraðstaða og falleg rúmgóð stofa Veghúsum eru 6 tveggja manna herbergi með sérsnyrtingu og 2 íbúðir. Góð eldunaraðstaða og falleg rúmgóð stofa með stórum sólpalli og fögru útsýni. Gestir geta sjálfir séð um matseld að hluta eða öllu leyti en í boði er morgunverður , hádegisverður, kaffi og kvöldverður fyrir hópa ef óskað er.

Brekkukot býður upp á glæsilega aðstöðu til funda, námskeiða og ráðstefnuhalds í Sesseljuhúsi og mismunandi byggingum á Sólheimum. Einnig er mjög góð aðstaða til margskonar veisluhalda svo sem stórafmæla, brúðkaupa og ýmiskonar samkvæma.

Kaffihúsið Græna kannan
Græna kannan er nýtt kaffihús þar sem allar veitingar eru framleiddar úr lífrænt ræktuðu hráefni.

Græn ferðaþjónusta
Brekkukot hefur markað sér stefnu í anda Grænnar ferðaþjónustu og er fyrsta gistihúsið á Íslandi sem fékk opinbera viðurkenningu þar um. Sólheimar hafa í áratugi verið í fararbroddi í lífrænni ræktun og umhverfismálum og eru síðan 1997 meðlimur í samtökunum Global Eco-village Network, en þar eru samtök vistvænna samfélaga á jörðinni.

Græn ferðaþjónusta
Brekkukot hefur markað sér stefnu í anda Grænnar ferðaþjónustu og er fyrsta gistihúsið á Íslandi sem fékk opinbera viðurkenningu þar um. Sólheimar hafa í áratugi verið í fararbroddi í lífrænni ræktun og umhverfismálum og eru síðan 1997 meðlimur í samtökunum Global Eco-village Network, en þar eru samtök vistvænna samfélaga á jörðinni. Eftirfarandi er lagt til grundvallar í rekstri Brekkukots:

. Að stuðla að umhverfisvernd samhliða aukinni ánægju af útivist
. Að kynna gildi þess að neyta lífrænt ræktaðrar fæðu
. Að vinna að kynningu á Sólheimum og þeirri hugmyndafræði sem byggt er á
. Að stuðla að efnahags- og atvinnuuppbyggingu á Sólheimum
. Að taka mið af kostnaði en hafa gæði ávallt í fyrirrúmi.

Bókunarsímar Brekkukots eru: 898-4483 og 4804483.